Kamatayon Para sa mga Salot nga Tulisan!

Wala'y adlaw nga mulabay nga dili ta makadungog sa radyo ug makabasa sa mga pamantalaan ug taw nga gitulis. Tataw kaayo nga nisi-aw na pud ning mga animal sa katilingban. Ug nganong gipakataw ug gibuhi pa man ning mga demonyoha? Ginoo ray nasayod.

Sa mga sunod sunod nga tulis sa mga dagkong dakbayan diri sa Sugbu, unsa man ang gibuhat sa atong mga opisyales sa baranggay, sa pulis, ug sa dakbayan mismo? Nagmika ra gyud mong tanan! Hinaot pa unta nga mangmata mo. Kung dili man gani mo mo-aksyon ani nga problema sa dali nga panahon, hinaot pa urumon mo sa inyong pagkatug ug dili na unta mo makamata!

Gibotohan mo sa mga taw sa pagsalig nga makahatod mo sa batakang panginahanglan. Ug sa pagsabot nako base niining diyot kong panghuna huna, usa sa mga batakang panginahanglan mao ang pag-angkon ug siguridad. Maayo man mong mga opisyales kay may mga personal o pribado man mong sakyanan. Unsaon nalang ang kadaghanan sa mga taw nga maglakaw o mag-jeepney lang kung dili na man lang gani nila makab-ot ang siguridad diha sa atong mga kadalanan?

Usa pa, kung tinuod man gani to ang gitawag nga mga vigilantes, palihug sa paglihok ug dali-a sa paghipos kining mga salot sa katilingban nga mga tulisan. Mabata o matiguwang man, kung masakpan manulis, mahimo ba hipuson nalang sa hingpit? Ug lain pa gyud, President Aquino, dako nga kalampusan sa imong pamunuan kung imong mapabalik ang death penalty. Ayaw na paminawa ang mga mubatok niining matang sa pagsilot kay kining mga tawhana wa pa man gud ni nakasuway ug tulis. Kung matulis ni sila, sila gyud mismo ang mupusil tingali niinging mga tulisan.